Table of Contents

Tim gan Elgan Rhys gyda Tomos Jones
Tami gan Marged Elen Wiliam gyda Ceri-Anne Gatehouse
Aniq gan Mared Roberts gyda Mahum Umer
Robyn gan Iestyn Tyne gyda Leo Drayton
Cat gan Megan Angharad Hunter gyda Maisie Awen

Reviews

Prosiect cyffrous ac uchelgeisiol o bum nofelig, 20,000 o eiriau yr un, i bobl ifanc, am bum cymeriad 16 oed, yn darganfod eu lle yn y byd. Cyfres gan bump o awduron a chyd-awduron ifanc, sy’n dathlu arallrwydd a gwahaniaeth, ac yn cofleidio cymhlethdodau pobl ifanc sy’n wynebu realiti oedolaeth a gadael plentyndod.
*Cyhoeddwr: Y Lolfa*

Dyma gyfrolau heriol ac arbrofol, sydd â llawer iawn o gyd-blethu rhyngddynt, yn ogystal â bod yn straeon unigol trawiadol dros ben. Beth sy’n gwneud y straeon yma’n wahanol ac yn arbennig o berthnasol yw’r cyd-weithio rhwng y cyd-awduron, ac mae’r holl gymeriadau, eu sefyllfaoedd a’u rhyngberthynas yn teimlo’n real iawn, iawn. Mae defnyddio awduron amrywiol yn creu lleisiau unigol i bob un o’r cymeriadau, rhywbeth sy'n effeithiol tu hwnt.

Camp ddiamheuol y golygydd yw’r ffordd mae e wedi dod â’r holl straeon at ei gilydd yn effeithiol. Byddai angen adolygiad helaeth er mwyn gwneud cyfiawnder gyda’r cyfrolau yma, gan eu bod mor gyfoethog o ran cynnwys. Seriodd y straeon a’r cymeriadau ar y cof am amser. Dyma fenter uchelgeisiol, a dwi’n siŵr bydd trafod ac ystyried cynnwys y cyfrolau yma am flynyddoedd i ddod.
*Alun Horan @ www.gwales.com*