Reviews

Wrth ddarllen y llyfr hwn, ail nofel ar bymtheg yr awdures boblogaidd Bethan Gwanas, cawn ein tywys yn l i dridegaur bedwaredd ganrif ar bymtheg ym Meirionnydd, an cyflwyno i gast o gymeriadau byw mewn cymdeithas syn ymddangos yn gyfarwydd a hapus, a honno wedi ei lleoli yn ardal Dolgellau. Ond wrth ddarllen down i ddeall bod hon yn gymdeithas wahanol iawn wedir cyfan, wedi ei rheolin haearnaidd gan statws a chrefydd. Ac yng nghanol hyn i gyd mae Ann Lewis, merch ddeunaw oed, yn dechrau torri ei chwys ei hun. Wrth ddod i adnabod Ann a gweld ei gobeithion ai rhwystredigaethau, cawn brofi bywyd merch ifanc hardd mewn cymdeithas lle nad oedd gan fenywod hawl i feddwl drostyn nhw eu hunain. Mae ei safbwynt hi ar fywyd yn newydd a diniwed ac maen llais gwahanol iawn ir hyn a geir yn y rhan fwyaf o nofelau hanesyddol. Gwelwn ei hymwneud i ffrindiau ai chyflogwr, a manylion bywyd beunyddiol y cyfnod mewn naratif naturiol syn dangos cefndir hanesyddol y cyfnod. Ceir sn am bynciau llosg y dydd, megis crogi Dic Penderyn, fel digwyddiadau diweddar a oedd wedi gadael eu hl yn amlwg ar feddyliaur bobl. A dyma un o gryfderau mawr y nofel hon, sef bod y cymeriadaun bobl o gig a gwaed y gall darllenwyr uniaethu nhw, er gwaethaf amgylchiadau gwahanol eu bywydau. Er bod eu profiadau nhwn wahanol iawn i'n rhai ni heddiw, teimlwn ein bod yn dod iw hadnabod. Maer ysgrifennu yn adlewyrchu tafodiaith naturiol yr ardal, a gallwn eu dychmygu yn sgwrsio ymysg ei gilydd wrth basio ar y stryd wrth i fymryn ou sgwrs gael ei gofnodi. Ond yn y pen draw nofel yw hon am fywyd a phrofiadau un ferch. Maen stori am ramant ac yn gipolwg ar gymdeithas gyfan, yn dod hanes yn fyw ac yn ennyn chwilfrydedd. Nid esgyrn sychion o archif yw hon ond bywydau unigolion, ac unwaith y caiff y bobl rhwng y cloriau hyn afael arnoch, ni fyddan nhw'n gollwng eu gafael ar frys. Meinir Williams Gellir defnyddio'r adolygiad hwn at bwrpas hybu, ond gofynnir i chi gynnwys y gydnabyddiaeth ganlynol: Adolygiad oddi ar www.gwales.com, trwy ganiatd Cyngor Llyfrau Cymru. It is possible to use this review for promotional purposes, but the following acknowledgment should be included: A review from www.gwales.com, with the permission of the Welsh Books Council. -- Cyngor Llyfrau Cymru